ʻI ha ngāuetaha kehekehe ʻe ua, naʻe puke ʻo fakaʻilo ai ha ongo tangata ʻo felaveʻi mo e ngaahi hia ki he faitoʻo taʻefakalao mo e meʻatau.
ʻI he ʻuluaki ngāuetaha, naʻe puke ai ha tangata taʻu 27 mei Nukunuku ʻo fakaʻilo ki hono maʻu mo e faitoʻo taʻefakalao (cannabis), ngoueʻi ʻo e faitoʻo taʻefakalao, mo hono maʻu mo e ngaahi naunau ngāueʻaki ki he faitoʻo taʻefakalao pe kemikale puleʻi.
ʻI he ngāuetaha hono ua, naʻe puke ai ha tangata taʻu 34 mei ʻUtulau ʻo fakaʻilo ki hono maʻu mo e meʻatau mo e mahafu taʻelaiseni.
Naʻe puke kotoa ʻa e ngaahi koloa taʻefakalao ko ʻeni, fakataha mo e ongo fakaʻiloa.
ʻOku ʻoatu ʻa e fakaloto lahi mei he Polisi Tonga, ki he kakai ʻo e fonua ke lipooti mai ha ngaahi ngāue pe fakamatala fekauʻaki mo e faitoʻo taʻefakalao, meʻatau, pe ko ha ngaahi hia ʻoku fakahoko ki he ʻapi polisi ofi taha. ʻOku mahuʻinga ʻa ʻetau fengāueʻaki ki he malu mo e hao ʻa hotau ngaahi kolo
