Nuku’alofa, Tongatapu– Ikuna Kafakafa ‘a e Tokoua mo e Foha ‘o e ongo Fakafofonga malolo mo e Minista Malolo ‘o e Vahengafili Tongatapu 2 mo Niua 17 aneafi.
Ki he Vahenga Tongatapu 2 na’e ikuna’i e Alavini Lafu Sika aki e foi fili e 609 pea ko Aminiasi Tangimana a Niua 17 ‘a e fo’i fili e 435. Ko Alavini Lafu Sika, koe tokoua pe ‘o e Eiki Minista Malolo kihe Takimamata, Semisi Kioa Lafu Sika. Ko e ola fili si’i foki koeni, oku ha mahino mai ae loto ‘o Tongatapu 2 ‘o fakatatau kihe tepile na’e omi meihe Komisoni Fili ‘a Tonga.
Ko e sea o e Ongo Niua 17 kuo fili pe a e kainga Niua ‘a ‘Aminiasi Tangimana, koe foha o e Eiki Minista Paanga Malolo – Lata ‘i Faingata’a Tangimana.
Ko e ola o e fili si’i koeni ‘oku makehe pea ilonga ‘a e fakalakalaka a e ngaue ‘o e Komisoni Fili ‘o Tonga. Na’e folau atu foki mo e kau Ofisa Fai Fili moe ngaahi naunau ke fakahoko aki e fili ki he ongo Niua. I he folau koeni, na’e toe kau atu foki moe kau Ofisa Tauhi Melino meihe Potungaue Polisi o Tonga. ‘Oku amanaki kenau folau mai ihe VOEA Ngahau Koula (P301) o nau a’u mai ki Tongatapu i he aho Tokonaki, 10 ‘Okatopa 2026.
