‘I he ‘aho 9 ‘o Tisema 2024, na‘e fakafisi ai ‘a e Palemia ‘o Tonga ‘i he taimi ko iá, Siaosi Sovaleni, mei hono tu‘unga ko e Palemiá, kimu‘a ia pea fakahoko ‘a e ‘vote of no confidence’ fekau‘aki mo ‘ene founga tatakí. ‘I he ‘aho 22 ‘o Sanuali 2025, na‘e fakanofo ai ‘a ‘Aisake Eke ko e Palemia ‘o Tonga. ‘I Sepitema 2025, na‘e pehē ai ‘e Dr. ‘Aisake Eke kuo ‘osi tuku atu ki he Komisione Fakafepaki ki he Faihala (Anti-Corruption Commission) ‘a e ngaahi fakamatala fakamo‘oni fekau‘aki mo e faihala ‘i he pule‘anga ‘o Siaosi Sovalení.
Ko e 2026 eni, pea ko e fehu‘í: Ko e mo‘oni ko e $9 miliona ‘a e lahi ‘o e pa‘anga na‘e ngāue hala ‘akí? Ko e mo‘oni na‘e fakahoko ‘e he ‘eiki minisita mālōlō ‘o e pule‘anga ‘o e 2022–2024, e ngāue ia te‘eki ke fai ha aleapau ngāue ki ai, pe fou ‘i he founga fakatau fakapule‘anga totonú ke fou ‘i he talamahu‘inga pea toki fili mei ai po ko hai ‘oku ma‘ama‘a mo leleí pea toki ‘oange ki ai ‘a e ngāuē? Ka ‘oku mo‘oni nai ‘a e tukuaki‘i kuo fakahoko ‘e he ‘Atita Senialé ki he tu‘unga na‘e ‘i ai ‘a e faitu‘utu‘uni hala ko ‘eni ‘a e ‘eiki minisitá pea mo e maumau‘i ‘o e laó? Ko e fehu‘í, ko e hā ‘a e me‘a ‘oku fai ‘e he Fale Aleá mo e Kapinetí ki he maumau lao ko ‘ení?
