‘I he hopo e vaha’a ‘o ‘Epalahame Lingikoni Taukei’aho pea mo Pita Hopoate mo e Poate e Kolisi Tutuku Liahona´ (CV50 2024), na’e faka’ikai’i mamafa ai ‘e William Clive Edwards ‘a e ongoongo taki hala mo ‘ikai mo’oni ‘oku hā ‘i he mitia fakasosiale´ ‘o tukuaki’i ai ‘e he tangata Tonga ‘a e ongo Loea ni ‘o pehē na’e fokotu’u atu ‘e he loea ke totongi e $5 miliona mei he pa’anga ‘a e Kolisi Tutuku Liahona´.
Ko e fakafofonga lao ‘a ‘Epalahame Taukei’aho´ ko ‘Alisa pea ko e fakafofonga lao ‘a Pita Hopoate mo e Poate e Kolisi Tutuku Liahona ko Clive Edwards. Ko e Fakamaau Lahi ki he hopo ni ko Justice Bishop KC.
Ko e hopo eni ‘oku pehē ne tu’o lahi e feinga ke nau fakalelei pē ‘i tu’a mo e ‘ikai lava. Ko e tu’unga ‘oku lolotonga ‘i ai e hopo ni, ‘oku fakatatali ki he ngaahi fokotu’u fakatohi ne ‘osi fakahū atu ‘e he ongo loea´ ki he fakamaau’anga lahi´. I he taimi tatau, oku hā mai he FB mo e ngaahi media fakasosiale´ ‘a e ngaahi fakamatala mo e ngaahi talanoa ‘o fakataumu’a ke tuku hifo ‘aki e Loea ‘a e kau Faka’iloa´. ‘I he taimi tatau oku fakahā ‘ehe Loea ‘a e Faka’iloa´ ki he letio 88.1FM he pongipongi ni e hoko atu e ngāue fakalao´ ke fakatonutonu a e ngaahi laui kovi’i ko eni´ oku fai ehe ni’ihi ko eni´
