‘AHO ‘ULUAKI – PEOPLE’S ACTION GROUP FORUM

- Advertisement -

Na’e lava lelei ‘aneafi efiafi 24 Sepitema 2026, ‘a e ‘uluaki polokalama fakapolitikale ‘a e People’s Action Group Forum. Ko e polokalama eni fakahoko ‘e he 88.1FM Letio ‘a e Kakai fakataha pea mo e Kalonikali Tonga´, ko hono ‘oange e faingamalie ki he kau Kanititeiti ‘o Niua 17 mo Tongatapu 2 ke fanongoa ‘e he kakai ‘o e fonua´ ‘enau ngaahi palani ngāue ‘oka nau ka lava ki Fale Alea´.

Ko e polokalama´ na’e fakahoko ia ‘e Tapinga Lavemaau pea ko e kau Penolo ko:

1. Sangstar Saulala ko e tokotaha faiongoongo, Fakafofonga Fale alea mo e ‘Eiki Minisita Malōlō.
2. Sunia Fili – Loea Laiseni ‘i Tonga ni, Fakafofonga Fale Alea ‘o ‘Eua 11 mo e ‘Eiki Minisita Malōlō
3. ‘Isileli Pulu – Fakafofonga Fale Alea mo e ‘Eiki Minisita Malōlō
4. ‘Etuate Lavulavu – Fakafofonga Fale Alea ‘o Vava’u 16 mo e ‘Eiki Minisita Malōlō.

Ko e Kau Kanititeiti na’e lava ke nau kau mai ki he ‘Aho ‘Uluaki´ ko:

1. Mounu Uaisele – KANITITEITI 1 Tongatapu 2
2. Mele ‘Amanaki – KANITITEITI 6 Tongatapu 2
3. Lei Paasi – KANITITEITI 7 Tongatapu 2
4. Lepolo Taunisila – KANITITEITI 8 Niua 17
5. Sitiveni Selui – KANITITEITI 1 Niua 17 (Na’e ‘ikai faingamalie ‘a e fetu’utaki telefoni ki ai)

Ko e Kaveinga ‘o e ‘Aho ‘Uluaki´: ‘Oku fe’amokaki e Patiseti 2026-2027 ‘aki ‘a e $38 Miliona. ‘Okapau te ke lava ki Fale Alea, ko e hā ho’o ngāue te ke fai ‘i Fale Alea ke solova ai e palopalema ko eni´?

‘Oku hoko atu ‘a e ‘Aho Hono 2 ‘i he uike kaha’u.