‘I ‘Epeleli 2025, na’e foaki ai ‘a e ngaahi misini taialasisi ‘e 10 ki he Potungaue Mo’ui mei he Siaosi Brown Dialysis Board ke kamata ‘aki ‘a e kiliniki ke tokoni ki he kakai ‘o e fonua´ ‘oku mo’ua ‘i he fokoutua ‘o e Suka´.
Ko e tokanga mei he kakai ‘o e fonua´ – ko e hā e ‘uhinga ‘oku tuai ai e ngāue kae ‘atā ‘a e kiliniki ko eni´ ki he kakai´? Ko e ‘osi eni ta’u ‘e taha ‘a e ‘i heni ‘a e misini ngāue ko eni´ mo e te’eki pe ke ‘atā ‘a e kakai´ ki ai. Na’e pehē ‘e Hon. Siaosi Sovaleni ‘i he taha ‘o e ngaahi press conference ‘o e ta’u ni´ ‘i he ‘ene kei Minisita Mo’ui´, ‘oku lolotonga fakahoko ‘a e ngāue ki he kiliniki´ ke maau pea toki kamata hono ngaue’aki´. Ko e ngāue ko eni´ ‘e maau ki ‘afē, koe’uhi ko Sepitema eni ‘oku tau hanga atu ki ai´?
