‘Ikai tali ‘e he ‘Eiki Palemia ke toe kau atu e Letio 88.1FM Letio ‘a e Kakai Tonga pea mo e Kalonikali Tonga ki he Press Conference he ‘aho 17 ‘Aokosi 2026, ta’e’omai ha ‘uhinga fakalao ki ai. Pea ‘oku ‘i ai e tui, mo e sio faka’etita ki ai ‘oku ‘i ai e me’a ‘oku loto e Pule’anga ke ta’ofi pea ‘oua ‘e ‘ai ke ‘ilo ki ai e kakai ‘o e Fonua´ ki he mo’oni e me’a ‘oku hoko ki he kelekele ‘i Matatoa mo ‘ikai ke loto e ‘Eiki Palemia ke toe fehu’i ange ‘e he faiongoongo ‘a e 88.1FM ‘a e fo’i fehu’i ko eni ki ai:
KO HAI ‘IATE KIMOUTOLU NA’E TOHI NIMA LOI MO FAKAMO’ONI LOI HELESOA, ‘I HONO KANISELI E TOE LISI (SUBLEASE) ‘O E ‘EKA ‘E 2 ‘EHE MEIDEC MEI HE TPL ‘I HE 2026?
‘I he ‘uhinga tatau, ‘oku ‘i ai e tui e 88.1FM, ‘oku ‘ikai ke loto e ‘Eiki Palemia ‘o Tonga ke ‘oatu ‘e he letio ‘a e Kakai ‘a e me’a mo’oni ‘oku hoko ki he hala fakakavakava mo e fu’u pa’anga ‘e $17 miliona ‘oku totongi he toloi ‘o e kamata e ngaue, ‘o makatu’unga mei he ngaahi me’a ia ‘oku ‘ikai ke fakalao mo totonu kef ai ‘e he Pule’anga ‘o e 2026. Pea ‘oku uesia lahi ai heni ‘a e lao kelekele pea mo e ngaahi me’a makehe ‘oku ‘ikai ke ‘oatu kakato e mo’oni ke ‘ilo’i ‘e he kakai ‘o e fonua´ fakalukufua.
KO E HA NAI HONO UHINGA?
