Mole ʻa e paʻanga ʻoku laka hake ʻi he 17 miliona Tonga ʻi he foʻi laka hala ʻa e puleʻanga lolotonga, ʻi he ʻikai ke nau hū atu ki Falealea pea nau muimui pau ki he aleapau ngāue ʻa e Puleʻanga mo e kautaha McConnell Dowell Construction Ltd NZ.
Ka naʻe hoko ʻa e toe liliu ʻe nautolu ʻa e aluanga o e hala fakakavakava Fangauta, ʻo hoko ai ʻa e fuʻu mole laulau miliona ʻa e paʻanga tukuhau ʻa e kakai ʻo e fonua.
Ko e fehuʻi mei he kakai ʻo e fonua ki he Puleʻanga lolotonga:
Makatu’unga ihe tomui koeni ae ngaue kihe Hala Fakakavakava Fanga’uta, ko e pa’anga fakakatoa e fiha a e mo’ua kihe totongi tomui ataata pe talu mei ho’omou hu atu ki falealea?
Ko e paʻanga ʻe fiha fakakātoa kuo totongi moʻoni, pe ʻoku teʻeki totongi, kuo osi lekooti i falealea?
Ko e fehuʻi ʻe taha: Ko e hā ʻa e moʻoni fekauʻaki mo e taimi kamata ʻa e ngāue ki he Hala Fakakavakava Fangauta?
ʻI he fakamatala ʻa e Eiki Palēmia ʻi Sune 2026, fakatatau kihe lipooti Fale Alea, naʻe fakahā ai ʻe kamata ʻa e ngāue ʻi ʻAokosi 2026.
ʻI he ngaahi fakamatala na’e fakahoko ʻi he fakataha ʻa e kau faiongoongo mo e Eiki Palemia, Lord Fakafanua ʻi Siulai mo ʻAokosi 2026, naʻe toe fakahā ai ʻe maʻu mai ʻa e mapé ʻi Sepitema, pea kamata ai ʻa e ngāue ki he Hala Fakakavakava.
Ka ko ʻeni kuo ʻosi ʻa e māhina ko Sepitema 2026, pea ko ʻOkatopa 2026 eni — ʻoku teʻeki ai pē ke kamata ʻa e ngāue?
Ko e fehuʻi ia ʻa e kakai ʻo e fonua: Ko e hā me’a ʻoku hoko? Ko e hā ʻa e ʻuhinga ʻoku kei toloi ai ʻa e ngāue? Pea ko e hā ʻa e tuʻunga totonu ʻo e poloseki Hala Fakavakava Fanga’uta ʻi he taimi ni?
