Fakatatau ki he kakai kuo nau launga ki ‘Api Polisi, ‘oku ‘alu ke toe lahi ange ‘a e kaiha’a pulu ‘o tamate’i pea fahi ‘o fakatau atu ki he ngaahi fale koloa, fale kai mo e ngaahi feitu’u ‘oku fakamasima ai pea toe fakatau atu.
‘Oku ‘i ai ‘enau tui ‘oku kaunga fai eni ‘ehe kakai tonga mo e kakai Tonga nofo muli ‘oku ‘i ai ‘enau pisinisi falekai moe fale koloa. ‘Oku fakafuofua ko e pulu ‘e taha ‘oku ‘i he laine ‘o e $3,000 ki he $5,000.
‘Oku ‘i ai e ui tokoni e ni’ihi ko eni ‘akinautolu e fanga pulu, ki he Polisi mo e kakai e fonua ke ‘ilo’i ‘akinautolu ‘oku fakahoko e ngauepango ‘o e kaiha’a pulu ke fakangata.
Ki ha taha ‘oku ne ‘ilo ha fakamatala fekau’aki mo e ngaue pango ko eni, keke kataki ‘o fetu’utaki ki he ‘Api Polisi ofi taha kiate koe.
