- Advertisement -
NUKU’ALOFA 19 SEPITEMA – Kuo ma’u ‘a e fakamatala mei ha taha falala’anga na’e ngaue ‘i Fale Pa’anga ‘oku fe’unga ‘a e folau ki he Fakataha Hono 81 ‘a e United Nation (UN) mo e $3 Kilu tupu.
Ko e fakataha eni ‘oku fakahoko ki New York, ‘Amelika pea ‘oku totongi pe ‘e he fonua takitaha ‘a e fakamole folau´, ‘o ‘ikai fakapa’anga eni ‘e he UN. Ko e $3 Kilu tupu eni ‘oku to’o mei he pa’anga totongi tukuhau e kakai ‘o e fonua´ mo e patiseti fe’amokaki ‘a e Pule’anga Tonga´, pea ‘oku fakamoleki ia ki he tikite vakapuna kalasi ‘uluaki´, me’atokoni, nofo’anga hotele mo e totongi faka’aho ‘o e folau´ pe ko e travel allowance.
