‘Oku ‘i ai e tokanga ‘a e kakai ‘o e fonua ki he tu’unga ‘oku ‘i ai ‘a e Fakafofonga Fale Alea ‘a ‘Eua 11, ‘a ia na’e ‘osi tala tu’utu’u ni ki ai e Fakamaau’anga.
Na’e ikuna’i ‘e Dr. Taniela Fusimalohi ‘a e fili ‘a ‘Eua 11, ‘i he Fili Fale Alea November 2025, ‘aki ‘a e 1,179 ki he 409 ‘a e kanititeiti hoko hake ki ai pea fili ia ki he tu’unga Minisita Fonua. Pea faka’ilo ai ‘e Tevita Lavemaau, ko e kanititeiti moia ‘o ‘Eua 11 ki he ‘bribery’ (totongi fakafufu) lolotonga e mahina ‘e 3 tapu ‘o e lao Fili Fale Alea ‘a Tonga. Na’e tala tu’utu’uni e Fakamaau Lahi Justice Paul Garlik KC ‘i he ‘aho 8 Sune 2026, ‘o mo’ua ai ‘a Dr. Taniela Fusimalohi.
Ko e ngaahi fehu’i leva ‘oku ‘alu hake ‘i he taimi ni:
- Ko e ha ‘a e me’a ‘oku hoko ‘i he taimi ni?
- ‘Oku fakahu ‘e he Minisita Fonua ha’a ne tangi ki he Fakamaau’anga Tangi?
- Na’e fakahu nai ha’a ne kole ke ‘STAY’ e tu’utu’uni mo hono tautea, ‘okapau na’e fakahu ha’a ne tangi?
Koe’uhi ko e lahi ‘a e hopo tangi ‘akinautolu na’e mo’ua ‘i he lao e Fili Fale Alea 2025, kuo fokotu’u ai e Hopo Tangi makehe ke fakahoko ‘I Siulahi 7 – Siulai 14 2026 ma’a kinautolu ni ‘oku tangi. Ko e taumu’a pe eni ke fakapapau’i ‘oku vave hono fakahoko e ngaahi hopo tangi ke ‘oua e fuoloa ha tali ha ‘Eiki Miisita pe ha Fakafofonga fale Alea kae tau’ataina e hoko atu ‘enau fakahoko ngaue.
‘Oku ‘i ai e talanoa ‘oku sasala ‘oku ‘ikai fakahu ha tangi ‘a e ‘Eiki Minisita Fonua ki he Fakamaau’anga Tangi. ‘Oku ngali heni ‘oku ‘ikai kakato e kau minisita ne mo’ua he ngaahi hopo ‘i hono maumau’I e lao fili he fakahu atu ‘enau tangi ki he Fakamaau’anga Tangi ki Siulai 2026.
Ko e fehu’i mei he kakai ‘o e fonua:
- Ko e ha ‘a e me’a totonu ke fakahoko ‘e he Fale Alea mo e Pule’anga Tonga ki ha Minisita pe Fakafofonga Fale Alea ‘oku ‘osi mo’ua ‘i he Fakamaau’anga Lahi ‘i he lao ‘o e Fili Fale Alea ‘okapau ‘oku ‘ikai ke fakahu atu ‘e ha Minisita ia ha’ane kole ke Stay e tautea?
- Ko Tonga pe nai ‘oku hoko ai e eni ‘i mamani?
