‘Oku ‘amanaki ke faka’ilonga’i ‘i he Tokonaki ko eni´, 11 Siulai 2026 ‘i he mala’e ‘Apifo’ou ha ‘epoki fo’ou ‘i he mala’e ‘o e ‘Akapulu ‘Iunioni´. Kuo felotoi ‘a e kau ‘ofisiale ‘o e Kalapu ‘Akapulu Malisi ‘Apifo’ou´ mo e Kalapu ‘Akapulu Liahona Old Boys ke fakahoko ha va’inga ki he ipu ‘oku fakahingoa ko e Ipu ‘a e Marist mo e Liahona Old Boys. Ko e fe’auhi eni ‘e lele hokohoko ‘i he ta’u ‘e tolu pea ‘e tafi mala’e ai ‘a e timi Marist mo e timi Liahona Old Boys. Ko e pale ki he fe’auhi ko eni´ ko e ipu pea mo e pale pa’anga ‘e $3,000.00. Kuo lava atu ‘a e to’u va’inga ‘akapulu fakakalapu ‘a Tonga ni ki he ta’u ni´ pea ‘oku faka’atā ai ‘e he ongo timi ko eni´ ha kalapu ‘akapulu pe ‘e fie kau mai ki he fe’auhi ni. Ko e fe’auhi ko eni ko e taha pe ia ‘o e polokalama ‘oku fkaa’ilonga’i ‘aki ‘a e polokalama ‘a e Kolisi Tutuku Liahona / Saineha Alumni ‘i he ta’u ni.
