Na’e kamata ‘i he ‘aho Tūsite, 16 ‘o Sune 2026, ‘a e hopo mahu’inga ‘aupito ‘i he vaha’a ‘o e kau faifekau na’a nau faifekau pule mālōlō, pea mo e Palesiteni lolotonga mo e Sēkelitali Lahi lolotonga ‘o e Siasi Tokaikolo ‘Ia Kalaisi.
Ko e tukuaki’i eni ‘e he talatalaaki ‘a e faka’iloa, ‘oku ‘ikai fakakonisitūtone mo fakalao ‘a ‘ena kei hoko atu ko e palesiteni lahi mo e sēkelitali lahi ‘o e siasi. Ko e kau fakamo’oni ‘e toko 3 ‘oku ‘amanaki ke ui ‘e he talatalaaki, pea ko e kau fakamo’oni ‘e toko 10 ‘oku ‘amanaki ke ui ‘e he faka’iloa.
Ko e Talatalaakí ko Rev. Mesake Mapapalangi mei Tonga ni, kā ‘oku ne lolotonga hoko ko e faifekau ‘o e siasí ‘i ‘Aositelelia. Ko e fakafofonga lao ‘o e Talatalaakí ko Sifa Tu’utafaiva. Ko e Faka’iloá ko e Palesiteni lolotongá, Rev. Saia Fepuiaki Tatafu, pea mo e Sēkelitali Lahi lolotongá, Rev. Siaosi Pita Kava. Ko e fakafofonga lao ‘o e faka’iloá ko Clive Edwards. Ko e fakamaau ‘i he hopo ko ení ko e Fakamaau Lahi Le’ole’ó – Justice ‘Elisapeti Langi.
