‘I he fakataha ‘a e Palemia pea mo e kau faiongoongo ‘aneafi 17 ‘Aokosi 2026 ki hono fakaha faka ‘ofisiale ‘a e kau minisita fo’ou ‘o e kapineti, na’e lava atu ki ai e fakafofonga ‘o e Kalinikali Tonga ka na’e ‘ikai tali ke ne kau atu ki he fakataha ko eni, ‘o fakaha ange ‘e toki tuku ange ‘a e ‘imeili ‘i he ‘aho ni Tusite ‘Aokosi 2026. Ko e hili eni ‘a hono fakasitua’i ‘o e faiongoongo ‘a e 88.1FM Letio ‘a e Kakai mei he fakataha ‘a e Palemia mo e kau faiongoongo ‘i he uike kuo ‘osi.
‘Oku fehu’ia lahi ai heni ‘a e Tau’ataina ‘o e mitia ke lea ‘i Tonga ni ‘o fakatatau ki he Kupu 7 ‘o e Konisitutone ‘a Tonga. Ko e ha ‘a e ngaahi makatu’unga ‘o hono ta’ofi ‘o e 88.1FM mo e Kalonikali Tonga? ‘Oku ‘i ai ha filifili manako ‘i he anga e fakahoko fatongia ‘a e Palemia ‘i he ‘ene a’u mai ki he kau faiongoongo? ‘Okapau ‘oku ‘i ai, ‘oku toe ‘i ai ha ngaahi tafa’aki kehe ‘o e fatongia, ‘oku fakangaue’i ki ai ‘a e filifili manako, ‘o hange ko e fili ‘o e kau minisita fo’ou ko eni?
